ಧಾರವಾಡ ಐಐಟಿ: 31ಕ್ಕೆ ಮೋದಿಯಿಂದ ಉದ್ಘಾಟನೆ?

ಧಾರವಾಡ: ತಾತ್ಕಾಲಿಕ ಕ್ಯಾಂಪಸ್‌ನಲ್ಲಿ ಆರಂಭಗೊಂಡಿರುವ ಭಾರತೀಯ ತಂತ್ರಜ್ಞಾನ ಸಂಸ್ಥೆ (ಐಐಟಿ) ಜು.31ರಂದು ಉದ್ಘಾಟನೆಗೊಳ್ಳುವುದು ಬಹುತೇಕ ಖಚಿತವಾಗಿದೆ. ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಜಿಲ್ಲಾಧಿಕಾರಿ ಎಸ್‌.ಬಿ.ಬೊಮ್ಮನಹಳ್ಳಿ, ಧಾರವಾಡ ಐಐಟಿಗೆ ಮೊದಲ ವರ್ಷ 5 ವಿದ್ಯಾರ್ಥಿನಿಯರು ಸೇರಿ 120 ವಿದ್ಯಾರ್ಥಿಗಳು ಆಯ್ಕೆಯಾಗಿದ್ದಾರೆ.ಜತೆಗೆ ಮೊದಲ ವರ್ಷದ ಬ್ಯಾಚ್‌ನಲ್ಲಿ ಧಾರವಾಡದ 5 ವಿದ್ಯಾರ್ಥಿಗಳಿಗೂ ತಮ್ಮೂರಿನ ಐಐಟಿಯಲ್ಲೇ

ಕಲಿಯುವ ಅವಕಾಶ ಸಿಕ್ಕಿದೆ. ಐಐಟಿ ಕಟ್ಟಡದ ಮತ್ತು ಮೊದಲ ವರ್ಷದ ವರ್ಗಗಳ ಉದ್ಘಾಟನೆಗೆ ಮೋದಿ ಭಾಗವಹಿಸುವ ಸಾಧ್ಯತೆ ಇದೆ. ಜು.30ರಂದು ಗೋವಾ ಐಐಟಿ ಉದ್ಘಾಟನೆಯಾಗುವ ನಿರೀಕ್ಷೆ ಇದ್ದು, 31ಕ್ಕೆ ಧಾರವಾಡ ಐಐಟಿಯನ್ನು ಮೋದಿ ಉದ್ಘಾಟಿಸಬಹುದು ಎನ್ನಲಾಗಿದೆ.