ಬರೋಬ್ಬರಿ 400 ವರ್ಷಗಳ ಬಳಿಕ ಈ ದೇವಸ್ಥಾನದಲ್ಲಿ ಈಗ ದಲಿತರು ಮತ್ತು ಮಹಿಳೆಯರ ಪ್ರವೇಶಕ್ಕೆ ಅವಕಾಶ ನೀಡಲಾಗುತ್ತಿದೆ!ಉತ್ತರಾಖಂಡ್ನ ಜಾನ್ಸರ್ ಬವಾರ್ ವಲಯದಲ್ಲಿರುವ ಗಡವಾಲ್ನ ಪರಶುರಾಮ ದೇವಸ್ಥಾನದಲ್ಲಿ ಇಷ್ಟು ದಿನ ದಲಿತರು ಮತ್ತು ಮಹಿಳೆಯರಿಗೆ ಪ್ರವೇಶವೇ ಇರಲಿಲ್ಲ. ಸಂಪ್ರದಾಯದಂತೆ ಇದನ್ನು ಕಟ್ಟುನಿಟ್ಟಾಗಿ ಕಾಪಾಡಿಕೊಂಡು ಬರಲಾಗಿತ್ತು. ಆದರೆ ಈಗ ಆಡಳಿತ ಮಂಡಳಿ ನಿಷೇಧಕ್ಕೆ ಕಡಿವಾಣ ಹಾಕಿ, ಮುಂಬರುವ ದಿನಗಳಲ್ಲಿ ಎಲ್ಲರಿಗೂ ಸಮನಾದ
ಪ್ರವೇಶಾವಕಾಶ ಇರುವುದಾಗಿ ಪ್ರಕಟಿಸಿದೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಆಡಳಿತ ಮಂಡಳಿ ಚೇರ್ಮನ್ ಜವಾಹರ್ ಸಿಂಗ್ ಚೌಹಾಣ್, ಇಲ್ಲಿಯ ಜನರು ಕಳೆದ ಕೆಲವು ತಿಂಗಳಿಂದ ಬದಲಾವಣೆ ಬಯಸಿದ್ದರು. ಅಲ್ಲದೆ ದಲಿತ ಸಂಘಟನೆ ಹಲವಾರು ಬಾರಿ ಪ್ರತಿಭಟನೆ ನಡೆಸಿದ್ದವು. ಈ ಹಿನ್ನೆಲೆಯಲ್ಲಿ ಬಹುವರ್ಷಗಳಿಂದ ಇದ್ದ ನಿಷೇಧ ತೆರವುಗೊಳಿಸಲಾಗಿದೆ ಎಂದು ತಿಳಿಸಿದರು.
ದಲಿತ ಸಂಘಟನೆಯ ನಾಯಕರು ಪ್ರತಿಕ್ರಿಯಿಸಿ, ನಮ್ಮ ಹೋರಾಟಕ್ಕೆ ಸಂದ ಜಯ ಇದಾಗಿದೆ. ಇನ್ನೂ 339 ದೇವಾಲಯಗಳಲ್ಲಿ ಮಹಿಳೆಯರು ಮತ್ತು ದಲಿತರ ಪ್ರವೇಶಕ್ಕೆ ನಿಷೇಧವಿದ್ದು, ನಮ್ಮ ಹೋರಾಟ ಮುಂದುವರಿಸುತ್ತೇವೆ ಎಂದಿದ್ದಾರೆ.
No comments:
Post a Comment