ಪಟ್ಟಣದ ಅಭಿವೃದ್ದಿಗೆ ಎಲ್ಲರ ಸಹಕಾರ ಅಗತ್ಯ

ಚಾಮರಾಜನಗರ. ಜು.5-ಪಟ್ಟಣದ ಅಭಿವೃದ್ದಿಗೆ ಸಂಬಂಧಿಸಿದಂತೆ ವರ್ತಕರು ಹಾಗೂ ವ್ಯಾಪಾರಿಗಳ ಸಲಹೆಗಳನ್ನು ಪಡೆದುಕೊಳ್ಳಲು ಶಾಸಕ ಸಿ.ಪುಟ್ಟರಂಗಶೆಟ್ಟಿ ನೇತೃತ್ವದಲ್ಲಿ ಪ್ರವಾಸಿ ಮಂದಿರದಲ್ಲಿ ಸಭೆ ನಡೆಯಿತು.ಸಭೆಯಲ್ಲಿ ವರ್ತಕರು ಜನದಟ್ಟನೆ ಇರುವಂತಹ ವ್ಯಾಪಾರ ಕೇಂದ್ರಗಳಾದ ಚಿಕ್ಕಂಗಡಿ ಬೀದಿ,ದೊಡ್ಡಂಗಡಿಬೀದಿ,ಹಾಗೂ ಹಳೇ ಮಾರ್ಕೆಟ್ ರಸ್ತೆಗಳಲ್ಲಿ ಅಪೂರ್ಣವಾಗಿರುವ ಯುಜಿಡಿ ಕಾಮಗಾರಿ ಪೂರ್ಣಗೊಳಿಸಿ ಶೀಘ್ರವಾಗಿ ರಸ್ತೆಗುಂಡಿಗಳನ್ನು ಮುಚ್ಚಿಸಬೇಕು,ಹಾಗೂ

ನಗರದಲ್ಲಿರುವ ಪಾರ್ಕ್‍ಗಳನ್ನು ಅಭಿವೃದ್ದಿಪಡಿಸಬೇಕು. ಕೇಬಲ್ ಗುಂಡಿಗಳನ್ನು ಮುಚ್ಚಬೇಕು.ಹಳೇ ಮಾರ್ಕೆಟ್ ಬಳಿ ಸಾರ್ವಜನಿಕ ಶೌಚಾಲಯಗಳನ್ನು ನಿರ್ಮಿಸಬೇಕು ಹಾಗೂ ಪಟ್ಟಣದಲ್ಲಿ ರಸ್ತೆ,ಚರಂಡಿ ಅಭಿವೃದ್ದಿಪಡಿಸಬೇಕೆಂದು ಶಾಸಕರಲ್ಲಿ ಮನವಿ ಮಾಡಿಕೊಂಡರು.

ಮನವಿ ಸ್ವೀಕರಿಸಿ ಸಭೆಯಲ್ಲಿ ಮಾತನಾಡಿದ ಶಾಸಕರು ಪಟ್ಟಣದ ಅಭಿವೃದ್ದಿಗೆ ನಾಗರೀಕರ ಸಲಹೆ ಮಾರ್ಗದರ್ಶನದ ಜೊತೆಗೆ ವರ್ತಕರ ಸಹಕಾರವು ಅಗತ್ಯವಾಗಿದ್ದು, ಈಗಾಗಲೇ ಕಾಮಗಾರಿಗಳು ಪ್ರಗತಿಯಲ್ಲಿದೆ. ಶೀಘ್ರಗತಿಯಲ್ಲಿ ಯುಜಿಡಿ ಕಾಮಗಾರಿಯನ್ನು ಪೂರ್ಣಗೊಳಿಸಲು ಸಂಬಂಧಪಟ್ಟ ಅಧಿಕಾರಿಗಳಿಗೆ ಸೂಚಿಸಲಾಗಿದೆ.

ಅಗತ್ಯವಿರುವೆಡೆ ಸಾರ್ವಜನಿಕ ಶೌಚಾಲಯ,ರಸ್ತೆ,ಚರಂಡಿ ನಿರ್ಮಾಣ ಕಾಮಗಾರಿಗಳನ್ನು ಕೈಗೆತ್ತಿಕೊಳ್ಳಲಾಗಿದೆ.ಪಟ್ಟಣದ ವಿವಿದ ವಾರ್ಡುಗಳಲ್ಲಿ ಹೊಡೆದಿರುವ ಪೈಪ್‍ಲೈನ್‍ಗಳನ್ನು ದುರಸ್ತಿಗೊಳಿಸಿ ಸಮರ್ಪಕ ಕುಡಿಯುವ ನೀರು ಸಬರರಾಜು ಮಾಡುವಂತೆ ತಿಳಿಸಲಾಗಿದೆ.

ತಮ್ಮ ಕ್ಷೇತ್ರ ವ್ಯಾಪ್ತಿಯಲ್ಲಿ ಅಗತ್ಯ ಮೂಲಭೂತ ಸೌಕರ್ಯಕ್ಕೆ ಹೆಚ್ಚಿನ ಆದ್ಯತೆ ನೀಡಲಾಗಿದ್ದು ಕುಡಿಯುವ ನೀರಿಗೆ ಮೊದಲ ಆದ್ಯತೆ ನೀಡಲಾಗಿದ್ದು ಅಗತ್ಯವಿರುವೆಡೆ ಕೊಳವೆ ಬಾವಿಗಳನ್ನು ಕೊರೆಸಲಾಗಿದ್ದು ನಾಗರೀಕರ ಸಮಸ್ಯೆಗಳಿಗೆ ಖುದ್ದು ವಾರ್ಡ್ ಭೇಟಿ ಮೂಲಕ ಸಮಸ್ಯೆಗಳನ್ನು ಆಲಿಸಿದ್ದೇನೆಂದು ಶಾಸಕರು ತಿಳಿಸಿದರು.

ಈ ಸಂದರ್ಭದಲ್ಲಿ ಚುಡಾ ಅಧ್ಯಕ್ಷ ಸಯ್ಯಧ್ ರಫಿ,ನಗರಸಭೆ ಅಧ್ಯಕ್ಷೆ ರೇಣುಕಾ,ಉಪಾಧ್ಯಕ್ಷ ಆರ್.ಎಂ.ರಾಜಪ್ಪ, ರೋಟರಿ ಡಾ.ನಾಗಾರ್ಜುನ್,ಆರ್.ಪುಟ್ಟಮಲ್ಲಪ್ಪ,ಬಾಲಸುಬ್ರಮಣ್ಯಂ,ಪುಟ್ಟಸ್ವಾಮಿ, ನಗರಸಭೆ ಅಧಿಕಾರಿಗಳಾದ ವೈ.ಎಂ.ನಾಗೇಂದ್ರ, ಇಂಜಿನಿಯರ್ ಜಗದೀಶ್, ನಾಮನಿರ್ದೇಶಿತ ಸದಸ್ಯೆ ಶಾಂತಲಾ, ಅಶ್ವಥ್, ಶ್ರೀನಿವಾಸ್, .ಪೌರಾಯುಕ್ತ ರಾಜಣ್ಣ,ಸೇರಿದಂತೆ ವರ್ತಕರು ಇದ್ದರು.